想與朋友出來見見面, 談談天, 最好都是HIGH TEA 了...
週六, 去了半島, 去前已知道沒有訂枱服務, 都萛, 心想都不會太久. (真是太天真了~), 下午茶二時開始, 我二時四十五分去到, GOD... 條隊長到, 最少有三十至四十人在等, 今日的下午茶餐都是免費供應!!? 還是有新樓盤開售?? 友二時左近已排隊, 但前面還有十幾人在等. 最後, 我們在三時多入座, 即未食, 已經要付出個多小時去排隊!!!
要了一個二人TEA SET 試.
三百多元的二人SET, 份量不多. 賣相也不吸引, 唯有寄望它是好食唔好睇之流. 但我可以話, 我完全不覺得呢3 碟野有咩好食, 覺得只係屋村麵包店的水準. 我亦不明, 點解咁的水準, 有那麼多人排隊. 遊客的話, 咁近近地係酒店食我可以理解.
但最不解是, 我們來的原因, 是因為有一愛好明牌的同事來吃過, 話覺得OK!!! 我真係想問下佢, 佢條脷係咪生係鞋底.
三碟中, 最底這碟已是最好吃, 因為它是暖的. (梗硬講D 優點)
環境方面, 人太多, 有點嘈, 而且這裡是全開放式, 談起別人壞話也不方便. 抬頭看, 二樓一角有LIVE BAND, 但那麼嘈雜的環境下, 也沒心情欣賞 (事實是不嘈也不懂得欣賞, 在我看來, 躲在一角的LIVE BAND 就不如播CD 萛了)
不會再來, 有人請我會建議去茶餐廳好過.
